![من الحكايات الشعبية الفنية الجميلة بمصر](https://sqawoa.com/wp-content/uploads/2023/09/67-780x470.jpg)
من الحكايات الشعبية الفنية الجميلة بمصر
بقلم الباحث التاريخى الشريف احمد ُحزين شقير العباضلى
الفنان صلاح منصور ممثل مصرى من مواليد سنة 1923 شبين القناطر قليوبية
وتوفى فى 19 يناير 1979 واشتهر في فترة الستينيات من القرن الماضي حيث عرف بأداء أدوار الشر في السينما المصرية وكان أشهر دور له هو العمدة عتمان في فيلم الزوجة الثانية
من الحكايات الشعبية الفنية الجميلة بمصر التي تروي عن الفنان الكبير عمدة السينما المصرية العظيم الفنان صلاح منصور انه كان متيم بسماع صوت الشيخ مصطفى إسماعيل لدرجة ان الناس كانت بتعتبر صلاح منصور مجذوب من مجاذيب الشيخ مصطفى إسماعيل ..
بيقول الكاتب الكبير محمود السعدني في كتابه
” الطريق إلى زمش ” أن صلاح منصور كان بيمشي ورا الشيخ مصطفى إسماعيل في المحافظات عشان يحضر المآتم و يسمع صوته و هو بيقرأ قرآن ..
بيحكي السعدني أن صلاح منصور من شدة إعجابه و هيامه بصوت الشيخ مصطفى إسماعيل كان أحياناً بيردد ألفاظ ميصحش تتقال أثناء قراءة الشيخ للقرآن زي مثلاً أن صلاح منصور كان بيقول مع كل مقطع يتشد فيه مع الشيخ
” قول يا عسل قول .. قول كمان و النبي ”
” يا هوووه جت ازاي دي .. أنت عملت كده ازاي”
أنت جننتني و بياكد الكلام دا كمان أديب نوبل العالمي نجيب محفوظ
و اللي حكى موقف طريف شخصي حضره مع صلاح منصور ذكره الكاتب ” إبراهيم عبد العزيز ” في كتابه ” ليالي نجيب محفوظ في شبرد ”
بيقول انه حضر في مرة تلاوة للشيخ مصطفى إسماعيل و كان حاضر صلاح منصور و كان منسجم بشكل غير عادي مع التلاوة لدرجة انه قام و قال
” ايه يا أخي الحلاوة دي .. يخربيت ابوك
حكي كمان شكري سرحان أن صلاح منصور هو اللي عرفه على صوت الشيخ مصطفى إسماعيل و انهم كانوا بيلفو وراءه محافظات مصر عشان يسمعوه و في مرة من المرات كانوا حاضرين في ميتم بيتلو فيه الشيخ و صلاح منصور كان مندمج و مصهلل لدرجة انه قعد يقول ” الله عليك يا سيدي .. يا سلام .. اه و النبي حلوة دي كمان شوية الأمر اللي تسبب في مشكلة لصلاح منصور وقتها لأن صاحب العزا زعقلو و كان عايزه يمشي و قاله دا عزا اتنين شباب ميتين في حادثة و انت قاعد تقول يا سلام و مصهلل و مجلجل و صاحب العزا أصر فعلا انه يمشي لكن الشيخ مصطفى إسماعيل تدخل و رفض أن صلاح منصور يمشي
و قال لو مشى انا كمان همشي
رحم سلطان دولة التلاوة مولانا الشيخ مصطفى اسماعيل
ورحم الله عمدة السينما المصرية صلاح منصور