عيد السويس القومى ٢٤ أكتوبر ١٩٧٣
عيد السويس القومى
٢٤ أكتوبر ١٩٧٣
ملحمة خالدة في ذاكرة التاريخ
كل سنة وكل السوايسة بخير
يا بيوت السويس
==========
كلمات: عبد الرحمن الأبنودي
ألحان: إبراهيم رجب
غناء: محمد حمام
———————————
يا بيوت السويس يا بيوت مدينتي
أستشهد تحتك وتعيشي إنتِ
هيلا هيلا هيلا يلا يا بلديا
شمر درعاتك الدنيا أهّيه
وإن ضاع العمر في سوق المنية
رفاقه هانروح السوق نجيبه
ونعود ونغني ع السمسية
ليكي يا مدينتيي ياللي صمدتي
يا بيوت السويس .. يا بيوت السويس
يا بيوت السويس يا بيوت مدينتي
أستشهد تحتك وتعيشي إنتِ
أستشهد والله وييجي التاني
فداكي وفدا أهلي وبنياني
وأموت ويا صاحبي قوم خد مكاني
دى بلدنا حالفة ما تعيش غير حرة
قفلت بيتي وسكيت دكاني
ياشطي و بحري وشبكي وسفينتي
يا بيوت السويس .. يا بيوت السويس
يا بيوت السويس يا بيوت مدينتي
أستشهد تحتك وتعيشي إنتِ
والله بكرة ياعم أبورية
لهانضحك وإحنا ماشيين سوية
ع المينا ولا السكة ديا
وهاتاخد بنتك وابنك ومراتك
ونعدي على نفس المعدية
ونقول يا دنيا والله وصدقتي
يا بيوت السويس .. يا بيوت السويس
يا بيوت السويس يا بيوت مدينتي
أستشهد تحتك وتعيشي إنتِ
وإن عشنا وأنا كنت شديد متعافي
أنا لاحمل توبك على لحم كتافي
واقضي يومي عرقان وحافي
وإن قدمي اتعفر بالرمل الأصفر
لأغطس قدمي في البحر الصافي
وتعودي أحسن من يوم ما كنتي
يا بيوت السويس .. يا بيوت السويس
يا بيوت السويس يا بيوت مدينتي
أستشهد تحتك وتعيشي إنتِ
