بين طبيب عين شمس و محمود العربى …… الاخلاق رزق

كتب على الجيلانى

لا خير فى علم لا يسمو بصاحبه !!!!

لا عجب عندما ترى من العلماء من صعد للقمر ولكن مازال يعبد الأبقار أو يسبح فى فلك الإلحاد ، ولا عجب عندما ترى أناس لم ينالوا حظا من التعليم ولكن قلوبهم عامرة بالإيمان ، اختصهم الله ووهبهم من فضلة ، فظلت قلوبهم نقية ، ولم يتسلل إليهم امراض الغنى والثروة من تكبر ورياء !!!!

اليوم اللى بتتشيع فيه جنازة الحاج / محمود العربي صاحب شركة توشيبا العربي واللى مكملش تعليمه بيتنشر فيه فيديو ل دكتور بيهين ممرض كبير فى السن وببشتمه وبيتهكم ع الذات الإلهية بسبب كلبه .

الاول توفي وبتصحبه دعوات ناس تعرفه وناس اضعافهم ميعرفهوش ، والتاني عايش وبتدعى عليه الاااااف الناس وتطالب بمحاكمته ..

الحاج /محمود رغم أنه شغله خاص بيه بس أما اتكلم عن الموظفين عنده قال بيشتغلوا (معايا) مش عندى ومرضاش يخفف العمالة ايام كرونا ولا يقلل الرواتب ومقتنع أن العمالة اللى بتشتغل معاه ربنا سخره هو ليهم زى ما سخرهم له عشان يكونوا شركاء النجاح .

والمدعو /طبيب بيهين ممرض وزميل له ف العمل وكبير فى السن واللى اكيد نجاحه ك طبيب أو رئيس قسم قائم على مجهود الممرض دا غير أنه مش شغال عنده بالفعل …

حقا أنه لا فائدة من علم إذا لم يتوج صاحبه بخلق حسن !!!!

هناك ما هو أهم من المال والشهادة ، أنها (الشخصية) شخصية الإنسان نفسه تربيته الأصول والقيم اللى اتربي عليها دينه أخلاقه اللى تخليه أما يمتلك المال يبقي محمود العربي وأما يمتلك الشهادة ميبقاش الطبيب (رئيس القسم) اللى شوفناه فى الفيديو …