ما لا تعرفة عن صحابة رسول الله المدفونين في مصر.. قبور لها تاريخ
ما لا تعرفة عن صحابة رسول الله المدفونين في مصر.. قبور لها تاريخ
كتب – عمر محمد
هل تعلم ان قبر سيدنا عمرو بن العاص وكذلك قبر ابن سيدنا علي بن ابي طالب وقبر الصحابي عقبة بن عامر موجودين في مصر !!
قبر الصحابى الجليل عقبة بن عامر اخر صحابي جمع القرآن الكريم و أحد الجنود اللي صحبوا عمرو بن العاص لفتح مصر و اللي مدفونين هم الاتنين في قلب مقابر الإمام الشافعي
سيدنا عقبة بن عامر ده له مسجد بإسمه و كمان الميدان بإسمه عند مسجده و بالقرب من باب الجامع حتلاقي قبر سيدنا عمرو بن العاص وايضا مقابر بعض صحابة رسول الله و بعض الصالحين و منعرفش عنهم حاجة
لأن الصحابة مكانوش بيدفنوا في أضرحة عليها قباب أو شواهد للقبور
ولو عايز تزور المكان ده اللي متعرفش عنه حاجة . أقولك ازاي :
حاتركب اي حاجة رايحة الإمام الشافعي .. اي ميكروباص من السيدة عائشة حايوديك
هتنزل عند القرافة .. تمام ؟
تطلع المقطم ، وتدور عالقرافة الصغرى ، هتلاقي مسجد اسمه “مسجد الليث بن سعد” و ده إمام مصري كان استاذ الإمام الشافعي و لولا إن كتبه لم تحفظ ( لم يحفظها تلامذته و لم يكتبوها عنه ) لصار هو الإمام الخامس للائمة الأربعة لأن تلاميذه لم يحفظوا تراثه للأسف
المهم .. هتدخل وتفضل ماشي ، هتلاقي ضريح ذو النون المصري ( و ده عالم فقيه كبير اتعمل عنه مسلسل من سنين كتير و اتذاع في رمضان كن بطوله ممدوح عبد العليم حاتخليه على يمينك وتفضل ماشي ، حاتلاقي نفسك بين ضريحين ، واحد منهم هتلاقي مكتوب عليه محمد بن الحنفية بن علي بن ابي طالب ( يعني ابن سيدنا علي ابن ابي طالب مدفون في مصر في قلب مقابر الإمام الشافعي .. و لقبوه بابن الحنفية نسبة لقبيلة بني حنيفة قبيلة والدته و لتمييزه عن باقي أبناء صحابة رسول الله صلى الله عليه و سلم و اللي كان اسمهم محمد ) ، حاتكمل مشي ، حتلاقي برة على يمينك قبة كدة ومكتوب ” ضريح الشريفة فاطمة حسن الأنور” ، كمل مشي ، حتلاقي مسجد “سيدي عقبة بن عامر الجهمي”
كده انت وصلت بس سيب الضريح ابو قبه الكبير اللى فى نص المسجد و كمل لحد الباب الخلفي للمسجد ، هتلاقي مربع متر في متر مدهون اخضر كدة في الأرض هنا يبقى دا قبر سيدنا عمرو بن العاص
نعم انه ليس مدفون في المسجد اللي في مصر القديمة زي ما الناس فاكرة
ولما تخرج بره خالص وتنزل تحت في القرافة الكبرى ، هتلاقي باقى أضرحة الامام الشافعي و غيرهم كتير كتير كتير و خلفاء المماليك والعباسيين والفاطميين اتفرج واستمتع ، واتعلم واعرف تاريخك
