“انشدني عن وادى ماجد”.. قصيدة لشاعر البادية مصادف المحفوظي
كتب – عمر محمد
قصيدة وادى ماجد للشاعر مصادف المحفوظي أحد شعراء قبائل مطروح، واليكم نص القصيده..
انشدني عن وادي ماجد .. وكي تنشد.. اتنال فوايد مالا حد
انشدنى عن حرب النجليز .. سوال وجيز .. جوابه يطلب تركيز
أولاد علي هانو العزيز .. أفواج اتهد .. يطيحو دون عقار الجد
القايد منهم وين يعز .. أيعاز الجد .. اتجى تحشد بوادي لا تحصي لا تعد
سوا مافيهمش تفريز .. علل واكد .. اللي فلحومة ركنة سند
إنشدني عن وادي ماجد
انشد عن ملقا العقاقير.. نهار عسير.. امغيم من دخن القزير
ضبح من فرسان مغاوير.. ابخيبة رد.. النجليزي جيشه طرد
ابوادي ماهابو الزخير.. اللي يوقد .. ولا صوت مدافع يرعد
انشدني عن وادي ماجد
انشدنى عن بو تونس سال.. الدم نهال.. جرا مالنجليز ولبطال
عرب مايرضو لحتلال.. ولا يقعد.. الواحد فالوطن مهدد
اسماح التوقه عالعنتال .. اللي جيد .. سبيبه موج بحر هامد
سريع القفزه مو حمال .. امنين يهد .. امفاتيح فحذيه يقند
انشدني عن وادي ماجد
انشدنى على ساعة غل.. سناو قتل.. وهو طايح ودماه يشل
عليه من فم بير نزل.. وهو يطرد .. ورا عصرانه متسقد
الخزنة في صدره كمل.. احشاه ثرد .. السمالوسي ما نجحد
انشدنى عن وادي ماجد
انشدنى على ميجودين.. وهو كبو البارود يثور
ضنا صحرتنا الفراسين .. اللى كلتم واخذ دور
سوا كي الحمر فالتبيين.. ولبيض والسننى مشهور
جميعى ومعاه قطاعين.. اجواد يجودوا بالمقدور
أبطال لهم تاريخ ثمين .. إيشرف وحروفه من نور
اطروا ماجد ياشعارين .. نبا ماجد للقلب سرور
اشداد عزايم صبارين .. أجدودي صبوا ضد الجور
ابثوره قبل الثوريين .. وقادوها فرسان صقور
اسباع براري سباقين .. اللي يحرك لنسان شعور
وهم حركم دافع دين .. ووطن ايريد عنا وسمور
عطو حقه فيه مقيمين .. وهو خالي مالدوج وبور
عليهم غالي غلو العين .. ايطيحو دونه بالطابور
الثورة في اثنين وخمسين .. وهم قبل الثورة بدهور
اكتب ياتاريخ الزينين .. إبوادي نزالين ديور
اللي دارو للمعتديين .. مخابي والرصد بناضور
بتكتيك وخطه وكمين .. وفر وكر يجن عالفور
معاهم حارو مستلمين .. شهايد عليا في لامور
ضنا مطروح المشهورين .. يبانو وين الوقت يدور
أوقات الشدة فزاعين .. عناهم طايل كل برور
هذه نبذه للمستمعين .. علل واجد .. امغير مصادف مو صايد
وطالب مللي شعارين .. يديروا رد .. ويحكوا عالوطن الممتد
وطالب مللى مسيولين .. بكل جهد .. إحيا تراث لهم يشهد
انشدني عن وادى ماجد
انشدني ياناشد نوريك .. بعض من ماضينا المجيد
على درب جدودك خليك .. عصارا ما يرضوا تهديد
بما نعرف نبذه نعطيك .. على صحرا عاشت في كيد
ولكن مافيهن تفكيك .. قبايل صف يكيد شديد
التمن موكذب وتجويك .. وصبن ضد قران عنيد
بريطاني للترك شريك .. فتات أحلامه مصر يريد
بعد موال المماليك .. تفاجت باستعمار جديد
النجليزى بث محاريك .. من السلوم إلى الصعيد
ودارر إدارات وتكتيك .. ملكا من غير تحوديد
التركي نايم ما يغبيك .. أبطل مالميرى والتسييد
نهار ابقى مهزوز ركيك .. طراطيش وشي موفي ليد
وراح الباشا هو والبيك .. ولبريطاني عاش سعيد
ولكن ماقالوا لبيك .. ضنا مصر أبطال صناديد
بدو في مطر بتحر .. شراره من ناس أجاويد
أبطال فراسين أبواديك .. الهم ياصحرا ديري عيد
أطري مجدك ماحد يطريك .. إجهادك يستاهل تخليد
ملامك عللي ساكن فيك .. وعنده علم ومال عديد
الواجب ينهض ويخليك .. أجمل من نوع فريد
أنت فتانات شواطيك .. أيجيبن من بلدان بعيد
وقارن بترول صحاريك .. أنتي للدوله فيك رصيد
بما نعرف عنك نطريك .. لبمجد وود ومانريد بكافيتي حد
