بين بنوده.. اجمل قصائد البادية

كتب – عمر محمد

بين بنوده قصيدة لشاعر البادية قدورة العجني

=========

غرام الحبيب احترت بين بنوده

فيه نار مشتعله وفيه بروده

………….

تهت بين اسراره

تقول سحر واخذنى معا تياره

ان غاب الحبيب نهيم فى تذكاره

وسما الذهن تدغوش يطول شروده والعين تمطر دمعها بغزاره

تيار قو ما تقدر عليه اسدوده

ونحس بالخريف ولسعته وامطاره

وقسوة شتاه وصقعته وجموده

وتبرد اطرافى م الجفا وامراره

غرقان والنجاه اطواقها محدوده

وان جانى الحبيب تهفنى الحراره

والنبض يرتفع ويزيد عن معهوده

وبلمسة حنانه ننصهر فى ناره

ذوبة الجليد انذوب بين زنوده

بالله خبرونى كيف يا خباره

صقيع الشتا تاتى امعاه صهوده

والحب هو بروحه لغز للفساره

ما لقيت لا شاعر يجيب حدوده

واضاف الشاعر الكبير قاسم نايل قائلا:

وساعات تستطعم معاه مراره

وتعود بحلاوه في حضور وجوده

وساعات تلتكن ما تجيب لا خباره

ويجن اوقات ما تواري ولا مجحودة

خليك واطي فوق درج اجراره

لاسبد ما تلحق الي مطروده