قصيدة حول دربة اولاد علي للشاعر مهني المغواري

كتب – عمر محمد
أبدع شاعر البادية مهني المغواري وكتب قصيدته حول دربة أولاد علي…

قرأت

……..
اسمعنا علل مازال فيه الغيبة…..
ايريد ينكروا جيراننا الدريبة ..
………
رديت …

راحو هلها ….
اللي سطروها في اكهوف جبلها …
اللي حافظين ابنودها وعللها ….
في عهد ماضي كان فيه الريبة ..
الا اليوم شرع الله جا كبلها …
منهج رسول الله ياماشيبة…
وبانت علينا ناس يامهبلها….
لاهم مروءة لا كرم لاطيبة …
زراعة الفتنة قايدين افتلها…
واخرى عالمواقع نازلين كتيبة …
وعيب وشتيمة لفظ من قايلها…
وخوض في أعراض الناس باساليبة….
تمينا تفارج للغريب او ملها …
واللي يصح في بالة كلام ايجيبة…
تقطيع اللحم ينجاب من مفصلها…
موش حكي خارب صاحبة يدويبة….
.. ….
اجدودنا اكتبوها ….
ومن اصل الشريعة خالصة جابوها…
اللي مطابقة للشرع نتبعوها…
والبند المخالف نتركة وانسيبة …
وريت البعض مالناس ما يبوها…
لا شرع شاغلهم ولا تطبيبة…
الدربة مصابي ضدها انبذوها..
وكلمة علي دايرتلهم تعصيبة ..
شياب درع من خلفة علي سنوها.
منحاش طابقت للشرع ماهي عيبة..
مامن قضية شايكة حلوها ..
ومامن مواقف فالحلول صعيبة ..
واللي امعقدة بين العباد نهوها..
واللي معاه الحق نال نصيبة…
اشيوخ عالمنابر وينما ادرسوها…
لقيوا ابنودها عالشرع موش غريبة ..
واللي توجعك في جلدها اقلبوها..
ابحجة الشرع امخالفة ترتيبة …
ولا هناك لا كلمة ولا قالوها…
اللي عالتعنصر دافعين ضريبة …
ونار الفتن بيناتنا حايوها…
ويجروا علي التشتيت والتخريبة …
زبالة البقر منهم الوطاه خذوها..
وتموا ذواري كل حد في صيبة …